أنا مين؟

د/عبير منطاش

سؤال نكرره كل يوم عند مقابلة شخص جديد و ساعات يسأله بعض الأشخاص للتقليل من شأن الناس

هو سؤال ممكن تسأله لأي حد لكن جربت تسأله لنفسك.

أنا مين ؟
ياتري هتعرف تجاوب هتقول لنفسك إيه عندك عمل في حياتك تفتخر بيه عندك هدف او رسالة عايش علشانها مش لازم تكون عالم او دكتور او مهندس علشان تبقي بتقدم رسالة وهدف

الأهم من ده كله إنك تراعي ربنا في عملك وتفيد اللي حواليك مش تضرهم
مش كل غني أو مشهور يقدر يواجه نفسه ويكون فخور بعمله
والفخر مش تباهي او تعالي علي الناس،الفخر انك تقدم قدوة حسنة لغيرك

*الأم اللي بتربي اطفالها تربية صالحة يجب ان تفتخر بنفسها
*الأب الذي يسعي علي قوت يومه من أجل اسرته يجب ان يفتخر بنفسه
*الأبن البار بوالديه يجب ان يفتخر بنفسه
*العامل البسيط الذي يعمل ليكسب المال الحلال يجب ان يفتخر بنفسه

ياريت كل واحد يسأل نفسه السؤال ده كلا في موقعه ايه رأيك
أنت راضي عن نفسك ولو وقفت أمام الله هتعرف تجاوب بفخر واعتزاز عن السؤال ده أنت مين؟