شعر محكي .. سوريا بالقلب
شعر محكي
بقلمي د.سوسن محمد
سوريا بالقلب
نصيحة سماع منّي هالعبارة
كفى تعمل عن جهنم دعاية
مع الشيطان خسراني التجارة
وبلا ما تحيك حرام وعباية
وتضحك عا ذقن طفل بعزارة
تعا نطفي الحقد من كل غاية
ونطفي هالحروب المستعارة
ونطفي جمار شعلاني بسماية
صواريخ وألف غارة وغارة
ونطفي تراب صار شارب كفاية
دمانا اللي عم بتشعل مرارة
ضروري صار نتكاتف لغاية
وحيدي ولو ما معنا غير حجارة
تيبرد قلب هالشام وأسايي
برجعة كلّ طفل لكل حارة
ونسقي أرض طقت للسقاية
برد مية نهر عاصي الحرارة
وع تلج الشيخ نكتب بالحكاية
رجعنا وما بقي منا مشرد
وبعدا سوريا مهد الحضارة.
د. السفيرة سوسن محمد
اترك تعليقك
