عمرو محمود يس بشأن نجلاء فتحي مذهول من التلفيق والتأليف
عمرو محمود يس بشأن نجلاء فتحي مذهول من التلفيق والتأليف
كتبت / دعاء سنبل
رد الفنان والمؤلف عمرو محمود يس نجل الفنان الراحل محمود يس والفنانة شهيرة،
على ماورد من شائعات عن عدم رغبة شهيرة، في حضور الفنانة نجلاء فتحي عزاء زوجها الراحل قائلاً:
اشاعة سخيفة ع السوشيال ميديا يتبناها بعض اصحاب قنوات اليوتيوب اللي بتحب تعمل ترندات و تألف كلام فاضي مفاد الاشاعة ان انا و امي و اختي،
رفضنا ان الفنانه الكبيرة الغالية علينا جميعا نجلاء فتحي تحضر عزاء الوالد رحمة الله عليه .
طبعا انا مذهول من التأليف و التلفيق و القدرة الرهيبة على الكذب و اختلاق القصص الوهمية ..
شيء في منتهى السخافة
اولا الفنانه نجلاء فتحي مبتعده عن الظهور في المناسبات العامة من فترة ثانية هي مقربة من الاسرة و بينا و بينها صلة نسب .
فا ايه السذاجه و العبط ده ؟! و المشكلة ان الناس بتصدق ..
الكلام ده غير حقيقي و السيدة نجلاء فتحي قامت بواجب العزاء تليفونيا و لها منا كل التقدير و الحب و الاحترام
و احب اضيف كمان ان في اشاعه برضه ان في مشكلة حصلت مع الفنان عادل امام لما وصل العزاء ده برضه محصلش
الفنان عادل امام لم يحضر العزاء و حضر نجله المحترم رامي امام
و ايضا حكاية ان شقيقتي رانيا
اتخانقت مع اميرة مختار ابنة الراحلة العزيزه رجاء الجداوي .
ده برضه محصلش نهائي و كان حوار بينهم عادي جدا
و اتقوا الله في الكلام اللي بتقولوه للناس يا بتوع الترندات البايخة ..
اترك تعليقك
