متغيرتش
بقلم عبدالحميد الشاعر
هتفضل يا قلبى حنون
فى اى وقت وفى اى مكان
مش هتتغير ولا تسود او تقسى
مهما اتقلب الزمان
هتفضل يا دمع عينى
مكتوم والجفن ليه سجان
جوايا يشهق عايز يبكى يثور كما البركان
لكن تفضل البسمه على شفايا تغلب الاحزان
عنيا تضحك تغزل من الفرح الوان
وتتبنى قصور يكون الود والحب لها سكان
قصور يكون النوايا الصافيه والطيبه لها عنوان
الخجل يترسم على الوجه
كما تخجل الاطفال من كلمه حنان
مهما يزيد الوجع يخرج من
المحنه القلب زى الجدع بأمان
يداوى وجع ووجع تنكتب
عنه قصه وموال وألحان
مهما تنقضه ناس يقول عادى
انا مش ملاك انا انسان
اترك تعليقك
