إرحل يا ليل

الشاعر عيد الحضري

إرحل يا ليل

شأشأ يانور الصبح من تانى

وحشنى صوت كروانك المحبوس

العزف ناي حزين في آلحانى

كأنه زرع اخضر بياكله السوس

وتهرب ضحكتي تسكن في آحلامي

خايف أكمل حلمي يالقى كابوس

تاهت ملامحنا م القلق والخوف

والفرح من روحنا صبح بواقى حروف

أصبحنا عرايس خشب متعلقين بخيوط

وخيط ضعيف ينقطع لين كخيط الصوف

الشعر شاب قبل الآوان بسنين

ودموعنا متحجره ساكنه نن العين

ارحل يا ليل م السما

حا تاخدنا بس لفين

الشاعر عيد الحضري رئيس تحريب مجلة الكواكب للفنون والآداب

رباب القاسم رئيس قسم أدب بجريدة نبض الوطن