د.محمد محمود يكتب: احذر حتى لا تستنزف طاقتك

د.محمد محمود يكتب: احذر حتى لا تستنزف طاقتك

روشتة هامة انتبه…

كثير من الناس يقول عند عدم نجاحه…

“مقدرش أو خلاص حاولت ومقدرتش”…

نصيحتي لك، لكِ…

افترض أنك تقدر، ولا تفترض العكس،

لا تحكم على نفسك بأنك متقدرش،

حتى لو جربت كثيرًا ولم تنجح…

لا تصف نفسك بالعجز والفشل،

ولا تجعل مكان لليأس والإحباط داخلك…

لذلك اعتبر نفسك لم تنجح حتى الآن فقط،

وأنك مستمر في السعي والاجتهاد…

ولم تُحبط أو تيأس أو تقرر الاستسلام،

عوّد عقلك أن يفكر بهذا الشكل،

لأن الذي تركز تفكيرك عليه…

سوف يعمل عقلك بقوة لجعله الشعور الأقوى في حياتك.

اسمحوا لي أن أطرح عليكم تلك النصائح بالعامية حتى تضح الرؤية أكثر :

بعض الناس مهما حاولت انك تولع صوابعك شمع…
علشان راحتهم مفيش فايدة…
لا هترضيهم ولا هتعجبهم…
لا وكمان مفيش أى تقدير،
والتقدير مش المقصود به تقدير مادي فقط…
ممكن يكون تقدير معنوي زي مثلًا كلمة شكر،ولكن بكل أسف وبكل بجاحة لا يقدرون تعبك،،

وقد تنصدم برأيهم فيك،
أنك معملتش أى حاجة علشانهم،
بالعكس دة أنت كنت كمان عبء عليهم،
والدخان اللى بيطلع من الشمع…
اللى ولع فى صوابعك جابلهم كحة!
وتلاقيهم بيطالبوك بالمزيد بدون أي تقدير،
وأنك كمان لازم تتحمل وإيه يعنى…
لأن في بعض الناس…

المؤذيين اللي بيخدعوك، بيكذبوا عليك…
ناس متخصصة وموهوبة…
أنها تسحب منك طاقتك…
لحد ما تبقى بتزحف على الأرض،
وهتلاقيهم بكل جبروت بيطالبوك بالمزيد،
وإذا جاء اليوم الذي تحتاج فيه مساعدتهم…
ممكن لا تحصل عليها…
بل قد تشعر منهم بالإستخفاف بمساعدتك،،

 

لذلك نصيحتي لك، لكِ…
علشان تولع صوابعك شمع…
أتأكد أنك بتعمل كدة مع ناس تستحق فعلًا…
ناس يقدرون تعبك ومجهودك وخوفك واهتمامك،
وأعمل حساب لصحتك ونفسك وطاقتك وكرامتك…
لأنك لو جيت على نفسك بدون داعي…
الناس هتيجي عليك، ومش هيعملوا لك حساب،
خلى عندك ميزان فى حياتك…
لا تظلم نفسك ولا تظلم غيرك،
اصنع نوع من التوازن في التعامل مع الناس…
لأن للأسف ساعات لما بتعطي بزيادة…
بعض الناس بيعتبروه حق مكتسب،
لا ترهق نفسك…
فى إرضاء الآخرين أكتر من اللازم…
عامل الناس كويس جدًا،
اعمل اللي عليك بس بالعقل،
لا تقضي حياتك في تتبع إرضاء فلان وفلان…
اعمل الصح…
اللي يرضي ربنا سبحانه وتعالى ويرضي ضميرك،
ويرضى من يرضى ويغضب من يغضب..

كاتب المقال..

د/ محمد محمود
أخصائى علاقات إنسانية واجتماعية
استشاري التخاطب والعلاج السلوكي
والإرشاد النفسي والأسري.